चन्द्रप्रसाद ढकाल
स्वर्गीय डोलकुमारी ढकाल र पिता होमनाथ ढकालका जेठा छोरा चन्द्रप्रसाद ढकालको जन्म पाल्पा–४ र हालको सिद्धिकोट गाउँपालिका–३ पूर्व देउराली गाउँमा भएको थियो । आफ्नो विशिष्ट व्यक्तित्वका रुपमा परिचित चन्द्रप्रसाद ढकाल अहिले वडा नं. ४, धुम्बारी, काठमाडौं महानगरपालिका। उनले २०५३ सालमा सहकारी यात्रा सुरु गरेका थिए ।
राष्ट्रिय सहकारी महासंघका निवर्तमान निर्देशक समेत रहेका ढकाल हाल आर्थिक सहकारीको एकमात्र छाता संस्था नेपाल बचत तथा ऋण केन्द्रीय सहकारी संस्था लिमिटेड (नेफ्स्कुन) को वरिष्ठ उपाध्यक्षमा बढुवा भएका छन् । नेफस्कुनको २८ औं वार्षिक साधारण सभाले उनलाई चार वर्षे कार्यकालका लागि वरिष्ठ उपाध्यक्षमा निर्विरोध निर्वाचित गरेको हो ।
नेफ्स्कूनका प्रबक्ता समेत रहनुभएका ढकाल कोभिड–१९ महामारीका कारण उत्पन्न वित्तीय लगायतका सम्पूर्ण समस्या समाधानका लागि गठित विपद् व्यबस्थापनका साथै राष्ट्रिय सहकारी बैंकसँगको नेफ्स्कूनका साझा मुद्दाहरुका सबालमा कार्यगत एकताको सम्भाव्यता अध्ययन गर्न गठित कार्यदलको समेत संयोजक हुनुहुन्छ ।
स्पष्ट वक्ता र हकी स्वभावका धनी ढकाल सहकर्मीहरुबीच सहयोगी, मिलनसार र सांगठनिक कुशलताका लागि परिचित हुनुहुन्छ ।